Holydays in Kebena

Since All of Kebena People Follows Islam, the holidays has been related with islamic religion. Ead Alfeter(Remadan), Ead Aladah(Arefa) and Mewlid(Birth of Prophet Mohammed s.a.w) are the major holidays in Kebena People.

ባህላዊ የቤት አሠራር

ብሔረሰቡ ለተለያዩ አገልግሎቶች የተለያየ መጠን ያላቸውን የሣር ቤቶች ይሠራል፡፡ ትልቅ የሣር ቤት ለቤተሰቡ መኖሪያነት ትናንሽ /“ሐለዋ”/ የሚባሉ የጐጆ ቤቶችን ደግሞ ለእንግዳ መቀበያነት ያዘጋጃል፡፡ በአንድ አካባቢ አንድ ትልቅ መስጊድ በጋራ አማካይ በሆነ ሥፍራ ላይ ሠርተው በጋራ እንደሚጠቀሙ መረጃዎች ይጠቁማሉ፡፡ እንዲሁም ብሔረሰቡ የተለያዩ የእርሻ መሣሪያዎችንና የቤት መገልገያ ቁሣቁሶችን ራሱ አዘጋጅቶ ይገለገልባቸዋል፡፡ ከጠንካራ እንጨት፣ ጫፉ ሹል ተደርጐ የሚዘጋጀውናዜጌዛበመባል የሚታወቀው የእርሻ መሣሪያ ለዚህ ተጠቃሽ ነው፡፡በርኩማ” /የሴቶች መደገፊያ/ዳለጌ” /መቀመጫ/ ኮቤ” /ነጠላ ጫማ/ ብሔረሰቡ ከእንጨት የሚያዘጋጃቸው የመገልገያ መሣሪያዎች ናቸው፡፡ ከቆዳ -ለወንዶች ትራስ፣ ከቀንድ- የክትፎ መብያ ማንኪያ፣ ከሸክላዋዲያት” /ትልቅ የክትፎ ማዘጋጃ/ ከብሔረሰቡ የዕደ ጥበብ ውጤቶች መካከል ጥቂቶቹ ናቸው፡፡ ባህላዊ በዓላትን በተመለከተ በቀቤና ብሔረሰብ ከተለመዱት መንፈሳዊ በዓላት ውጭ ይህ ነው የሚባል ባህላዊ በዓል የለውም፡፡ የሚያከብራቸው በዓላትም በእስልምና ኃይማኖት ዘንድ የታወቁትን በዓላት ብቻ ነው፡፡የቀሳሌየብሔረሰቡ ባህላዊ ጨዋታ ነው፡፡ ቀጭንና ልምጭ እንጨት በመወርወር ይከወናል፡፡ ትግል የከፍታ ዝላይ፣ የፈረስ ግልቢያ /“ገሌተ አለዳ”/ ሩጫ ሌሎች የብሔረሰቡ ባህላዊ ጨዋታዎች ናቸው፡፡

ባህላዊ የአመጋገብ ሥርዓት

ገንፎ፣ የቡላ እንኩሮ እና የቆጮ ድፎ በሥጋ  በቀቤና ብሔረሰብ ዘንድ ከሚዘወተሩት ባህላዊ ምግቦች ውስጥ የሚጠቀሱ ናቸው፡፡ ጥንትሠርጉ ፊታየሚባልና ከገብስ የሚዘጋጅ ባህላዊ መጠጥም ብሔረሰቡ ያዘጋጅ እንደነበር ከጉራጌ ዞን ማስታወቂያና ባህል መምሪያ የተገኙ ምንጮች ያመለክታሉ፡፡

ባህላዊ የአለባበስ  ሥርዓት 

ከጥጥ የሚዘጋጅ የሽመና ውጤቶችን መልበስ በቀቤናዎች ዘንድ የተለመደ ባህላዊ አለባበስ እንደሆነ የዕድሜ ባለፀጋዎች ይናገራሉ፡፡ አዛውንቶች ከጥጥ የተሠራ ነጭ ሱሪና ሸሚዝ ወገባቸው ላይ ይለብሳሉ፡፡ ሴቶች ከታች ቡልኮ በመቀነት ታጥቀው ከላይ ጥብቆ ይለብሳሉ፡፡ ፀጉራቸውን በነጭ ሻሽ እጃቸውን በአንባር ያስጌጣሉ፡፡ እንዲሁም ወጣቶች ደግሞ ከታች ሰፊ ቁምጣ ከላይ ደግሞ ጥብቆ መልበስ ያዘወትራሉ፡፡

 

We have 249 guests and no members online